9
GLOOMY WINTER'S NOW AWA'.
GLOOMY winter's now awa',
Saft the westling breezes blaw,
'Mang the birks o' Stanely shaw
The mavis sings fu' cheery O;
Sweet the crawflower's early bell
Decks Gleniffer's dewy dell,
Blooming like thy bonnie sell'
My young, my artless deary O.
Come, my lassie, let us stray
O'er Glenkilloch's sunny brae,
Blythely spend the gowden day,
'Midst joys that never weary O.
Tow'ring o'er the Newton woods,
Lav'rocks fan the snaw-white clouds,
Siller saughs, with downy buds,
Adorn the banks sae briery O,
Round the sylvan fairy nooks,
Feath’ry breckans fringe the rocks,
'Neath the brae the burnie jouks,
And ilka thing is cheery O;
Trees may bud, and birds may sing,
Flow'rs may bloom, and verdure spring,
Joy to me they canna bring,
Unless wi' thee, my dearie O.
-------
DESPAIRING MARY.
MARY, why thus waste thy youth time in sorrow?
See a' around you the flow'rs sweetly blaw,
Blythe sets the sun o'er the wild cliffs of Jura,
Blythe sings the mavis in ilka green slaw,
How can this heart evermair think of pleasure,
Summer may smile, but delight I ha'e nane;
Cauld in the grave lies my heart's only treasure.
Nature seems dead since my Jamie is gang.
