6 Swear that moment that ye'll lea' her; That's the way to keep her gude.' Laughing, sangs, and lasses' skirls, Echo'd now out thro' the roof, Done! quo' Pate, and syne his airls Nail't the Dryster's wanket loof, In the thrang o' stories-telling, Shaking hauns, and ither cheer, Swith! a chap comes on the hallen, Mungo, is our Watty here? Maggy's weel-kent tongue and hurry Dartet thro' him like a knife, Ope the door flew---like a fury In came Watty's scawlin wife. Nasty, gude-for naething being ! O ye snuffy, drucken sow! Bringan wife and weans to ruin, Drinkin' here wi' sic a crew ! Devil nor your legs were broken! Sic a life nae flesh endures--- Toilan like a slave, to slocken You ye divor, and your whores ! Rise! ye drucken beast o' Bethel ! Drink's you night and day's desire ;
