Page:Welsh Medieval Law.djvu/149

yỽ kynwarchadỽ. Oꝛ tyf kynhen rỽg dỽy tref  V fo 22 a
vn vꝛeínt am teruyn: gỽyrda y bꝛenhín bı-
eu teruynu hỽnnỽ os gỽybydant. ac oꝛ byd
petrus gantunt ỽy: dylyedogyon y tır bıeu
tygu opaỽb y ṿꝛẹṇ teruyn. ac odyna rannent  5
eu hamryſſon yn deu hanher yrydunt. yt
teruynho tref ar y llall: ny dyly dỽyn rantır
yỽꝛthı. Hanher punt adaỽ yr bꝛenhín pan
teruynher tır rỽg dỽy tref. Pedeır ar hugeínt
adaỽ yr bꝛaỽtwyr pan dycco kyfreıth tırydyn.  10
Hanher punt adaỽ yr bꝛenhín o pop rantır ı̣
pan y heſtynho.
al hyn ydymlycceır dadleu tır a dayar.
yr haỽlỽꝛ bıeu dangos y haỽl. ac odyna yr
amdıffynnỽꝛ y amdıffyn. agỽedy hynny hen-  15
aduryeıt gỽlat bıeu kytyſtyryaỽ yn garedıc
pỽy o honunt yſſyd ar y ıaỽn. pỽy nyt yttıỽ.
agỽedy darffo ḥỵṇṇỵ yr henaduryeıt racreıth-
aỽ eu synhỽyr. achadarnhau eu dull trỽy tỽg.
yna ydyly y bꝛaỽtwyr mynet ar lleılltu. abar-  20
nu herwyd dull yr henaduryeıt. adangos yr
bꝛenhın yr hyn a varnont. ahỽnnỽ yỽ deturyt
gỽlat gỽedy amdıffyn. an dechꝛeuher kyn-
hen am teruynu tıred neu trefyd. os yrỽg tır
y llys athír yḷḷạṇ wlat y dechꝛeuír: llys ater  25