Page:Welsh Medieval Law.djvu/154

kynhal o pop vn gan ygılyd oꝛ bꝛodyr ar kefyn-  V fo 24 b
dyrỽ ar kyferdyrỽ. ar tır agollo vn oꝛ reı hy-
nny o eıſſeu llỽ yreı ereıll: eníllent ıdaỽ. o
gyferdyrỽ allan ny dyly neb kadỽ ran y
gılyd nac ae lỽ nac ae da.  5
ỽy bynhac awnel bꝛat arglỽyd neu
awnel kynllỽynl: ef a gyll tref y tat.
ac oꝛ keffır: eneıtuadeu uyd. Ony cheffır
ynteu amynnu kymot o honaỽ ac arglỽ-
yd ac achenedyl: tal deu dyblyc adaỽ arnaỽ  10
odırỽy agalanas. ac oꝛ kyrch lys y pap ady-
uot llythyr y pap gantaỽ a dangos yrydhau
oꝛ pap. tref y tat ageıff. Tꝛydyd achaỽs y
kyll dyn tref y tat. o enkıl o honaỽ yỽꝛth
y tır heb ganhat ac na allo godef y beıch ar  15
gỽaſſanaeth a vo arnaỽ.
ycheıff neb tır ygyt etíued megys y vꝛa-
ỽt neu y gefynderỽ neu y gyferderỽ. gan
yofyn trỽy yr hỽn a veı varỽ o honunt heb
etíued ıdaỽ ogoꝛff. namyn gan y oſyn trỽy  20
vn oe ryení aryffeı perchennaỽc y tır hỽn-
nỽ hyt varỽ ae tat ae hentat ae goꝛhentat
ac uelly y keıff y tır os ef auyd neſſaf kar yr
marỽ. ỽedy ranho bꝛodyr tref eu tat yry-
dunt. oꝛ byd marỽ vn o honunt heb etíued  25

                                           |o goꝛff|