55
"Volumus etiam, quod unica sasina per praefatos praepositum et ballivos, aut ipsorum aliquem dicti ministerii, et hospitalitatis nomine, apud praetorium dicti nostri burgi, semel accepta, tam sufficiens erit sasina perpetuo in futurum, ac si eadem super particulares terras, ad dictos capellanos, praebendarios, fratres, pertinentes, aut ipsos in praefatos annuos redditus, anniversaria, firmas, proficna et devoria praescripta debitas sumeretur, non obstante locorum distantia. Praeterea, per praesentes, nolumus capellanos, praebendarios et fratres (qui ante dictam alterationem proviso erant) per hoc praesens nostrum infeofamentum praejudicare, sed reservamus illis usum dictorum fructuum et devoriarum durante eorum vita tantum. Praecipiendo itaque nostrorum, computorum rotulatoribus, praesentibus et futuris, ipsorum collectoribus, factoribus et aliis quorum interest, in genere nec non in specie, quod neque eorum recipere aut levare praesumat dictos fructus particulariter supra scriptos, pro quovis tempore praeterito sen futuro, nec impediant aut impedimentum ullum faciant, memoratis praeposito, ballivis, consulibus, communitati et eorum successoribus, in pacifica possessione earundem: requirendo et ordinando etiam Dominos Sessionis nostrae, quatenus liferas in omnibus quatuor formis ad instantiam dictorum praepositi, ballivorum, consulum, communitatis, et ipsorum successorum, ad effectum subscriptum dirigant. Nec non praecipiendo quibuscunque intromissoribus cum dictis fructibus quatenus ipsis de eisdem prompte intendant, pareant et gratiam solutionem facient.
"In cujus rei testimonium huic praesenti cartae nostri Magnum Sigillum nostrum apponi praecipimus, testibus Reverendissimo in Christo Patre, Joanne, Archiepiscopo Sancti Andreae, et dilectis nostris consanguineis, Georgio, Comite de Huntley, Domino Gordoun et Badenoch, Cancellario nostro: Jacobo, Comite de Bothwell, Domino Haillis, Chrichtoun, et Liddisdale, regni nostri Magno Admirallo; dilectis nostris familiaribus consiliariis, Richardo Maitland de Lethingtoun, nostri Secreti Sigilli Custos; Jacobo Balfour de Pittindriech, nostrorum Rotulorum Registri ac Concilii Clerico; et Johanni Balladine de Auchnoule, nostrae Justiciariae Clerico, Equitibus Auratis: Apud Edinburgh, decimo tertio die mensis Martii, anno Domini millesimo quingentesimo sexagesimo sexto, et regni nostri vigesimo quinto."
Quamquidem cartam et infeofamentum in omnibus suis punctis et articulis, conditionibus et modis, ac circumstantiis