This page has been validated.
JOCKEY AND MAGGY'S
COURTSHIP.
PART I.
Jockey. Hey, Maggy, wiltu stay and tak kent ⟨folks⟩ hame wi' ye the night.
Maggy. Wiltu come awa' than Johnnie, I fain wad be hame or the kie come in; our mickle Riggy ⟨is⟩ sic a rumbling royte, she rins ay thro' the byre, ⟨and⟩ sticks a' the bits o' couties; my mither is na able to haud her to her ain stake.
Jock. Hute, we'll be hame in braw time woman. ⟨And⟩ how's a' your folks at hame?
Mag. Indeed I canna weel tell you man; our ⟨guid⟩ man is a' gane wi' the gout; my mither is ⟨very⟩ frail, my father he's aye wandering about, and ⟨widdling⟩ amang the beast.
Jock. But dear, Maggy, they tell me me were ⟨gaun⟩ to get a wedding of thee and Andrew Merrymouth, the Laird's young gardener.