and gied him ower to the officers, till he soud pay a' that was awn to him.
35. "E'en sae sal my Heevenlie Faither do to you, gin ye forgie-na ilk ane his brither-man frae yere hearts!"
CHAPTIR NINETEEN.
Marriage and Divorce. His hauns and blessin on the wee bairns. Aboot grace and gear.
AND it cam aboot, that whan Jesus had made an end 0' thae words, he quat Galilee, and cam intil the parts o' Judea ayont Jordan.
2. And great croods follow't him; and he healed them thar.
3. And Pharisees cam to him, way-layin him, and sayin. "Is't lawfu' for a man to pit awa his wife, for ony cause ava?"
4. And he answer't, and quo' he to them, "Hae-ye-na read hoo he wha made them at the beginnin, made them male and female.
5. "And said, 'For this wull a man lea' his faither and his mither, and be joined to his wife, and they twa sal be as flesh!'
6. "Sae that they are nae mair twa, but as flesh. And sae what God has joined thegither, lat-na man pit sindry!"
7. They say to him, "Hoe than did Moses commaun to gie her a writin o' divorcement, and to pit awa?"
8. He says to them, "Moses, for the hardness o' yere hearts, tholed that ye sould pit awa yere wives; but frae the beginnin it wasna sae.
9. "And I say to ye, that whasae sal pit awa his wife, let-abee for adultery, and sal wed anither, commits adultery; and wha weds the divorced wumman commits adultery."
10. His disciples say to him, "Gin it be sae wi' a man and his wife, it isna guide to mairry!"
11. But he said to them, "A' canna' tak in this sayin; but only thae to wham it is gien.
12. "For thar are some eunuchs frae their mither's womb; and thar are some sae, made eunuchs by men; and thar are some that has made theirsel sae for the Kingdom 0' Heeven’s sake. Who. has stren'th to tak it in, lat him tak it in!"
13. Than war brocht till him wee bairns, that he soud pit hauns on them, and gie them his blessin: and the disciples challenged them.
14. But Jesus said, "Lat #the wee bairns come to me, and dinna forbid them; for sic anes mak up the Kingdom o' Heeven!"
15. And he pat his hauns on them; and gaed awa.
16. And see! ane cam till him, and quo' he, "Maister! Whatna gude thing sal I dae, that I may win Eternal Life?"
17. And he says to him, "Why div ye speir aboot that whilk is gude? Ane that is wha is gude; that is God! But gin ye wad enter intil Life, keep the Commaunments."
18. He speir't at him, "Whilk?" And Jesus said to him, "'Ye sanna kill; ye sanna commit adultery; ye sanna bear fause-witness;
19. "'Honor yere faither and yere mither; and ye sal lo'e yere neebor as yersel!'"
20. The lad says, "A' thir I keep! What want I yet?"
21. Jesus says to him, "Gin ye wad be perfete, gang and sell[1]a' ye has, and gie it oot to the puir; and ye sal has gear laid up in Heeven; and come, follow me!"
22. But whan the young man heard that sayin, be gaed awa dowie; for he had great estates.
23. And Jesus said till his dis-
- ↑ V. 21. Ilk man has a besettin sin that he maun ding, gin he wad enter Heeven. This man's sin was the love o' siller. Wi' anither, it micht be pride, or revenge, or fame. Freend, what wad he lay his finger on, as your besettin sin?
