23. And cam and dwalt in a citie ca'd Nazareth ; that it send come to pass that was said by the prophet, "He will be ca’d a Nazarene."
CHAPTIR THRIE
John bapteezin. He speaks wi' Imco plainess to the folk. Bapteezem the Son of Man.
N00, i' the days, comes John the Baptist, preachin' i' the muirlands 0' Judea.
2. And quo' he, “Repent ye a'! for the kingdom 0' Heaven is at haun!"
3. For it is he wha was tel'’t o' by Esaiah the prophet, sayin, "The sough o' ane crying oot i' the waste, 'Mak ye ready a gate for the Lord! Strauchten oot his fitpath!'"
4. And John his sel had his cleedin 0' camel’s hair, and a belt 0’ a skin; and his meat was locusts and rock hinny.
5. And thar war gan 'n oot till him Jerusalem and a' Judab, and the kintra-side aboot Jordan;
6. And war bapteez't by him in Jordan; confessin a' their sin.
7. But whan he saw a hantle o' the Pharisees and Sadducees come till his bapteezin. quo' he to them, "Eh, ye venomous race! Wha has gien ye warnin' to flee frae comin wrath!
8. "Fesh than forth the frutes conform till repentance!
9. "And say-ye-na to yersels, 'We hae Abra’m till oor faither!' for say I t’ye, God coud raise up oot o' thir stanes, bairns to Abra'm!
10. "And noo is the aixe brocht to the rute o' the trees; and ilka tree bringin-na forth gude frute is cuttit doon, and cuisten intil the burnin.
11. "I, indeed, div in watir bapteeze ye intil repentance; but he who follows me is sterker nor mysel; whase shoon I'se no fit to cairry; he sal bapteeze ye wi’ Holie Spirit, and flaughts 0' fire.
12. "Whase fanner is in his neive, and he'se[1] I scour-oot his threshin-flair, and gaither his wheat intil his girnal; but the cauff wull he burn in nevir-endin lowe!"
13. Than cam Jesus frae Galilee tae John, to be bapteez’t 0' him.
14. Noo, John wad hae forbidden him; and quo' he, "I has need 0’ thy bapteezin, and come ye to me!"
15. But Jesus answer’t him. and said, "Sae be it e noo; for see it behoves us to fulsil a' richt-gangin!" Then he contentit him.
16. And Jesus, when he was bapteez’t. gaed up straucht frae the watir, and lo! the heevens war unsteekit till him, and he saw the Spirit 0' God comin doon like a doc, and lichtin upon him.
17. And tak tent! a voice oet -o' the lift. sayin, "This is my Son, my Beloved, in wham I delicht!"
CHAPTIR FOWR.
Sautan has a tulzie wi’ Christ. Jesus take up wi' Capernaum; and bids a when disciples.
THAN was Jesus airtit by the Spirit intil the wilderness, thar to be testit o’ the Enemy.
2. And whan he had fastit for forty days and nichts, he was spent wi' hunger.
3. And when the Tempter cam till him, quo' he, "Gin thou be God's Son, speak to thir stanes, that they be bannocks!"
4. But he. answerin till him, said, "No allenarlie on breid leeves man, but by ilk word 0’ God's mooth!"
5. Than the deevil taks him wi' him intil the holie citie, and pits him on the tapmaist towerickie o' the Temple.
6. And quo' he till him, "Gin ye be God’s Son, cast yersel ower; for it is putten-doon, "Till his Angels
- ↑ V. 12. The Lord is unco lang—sufferan; but wha lichtlies him will fin' a time comin when the Maister redds up his flair; and what's cauff maun gang the gate 0’ the caudd—intil the lows!
