Queen of the May/The drunken wife of Galloway

From Wikisource
Jump to navigation Jump to search

the

DRUNKEN WIFE OF GALLOWAY.

DOWN in yon meadow
a couple did tarry,
The wife she drank naething
but sack and canary,
To her friends He complain’d
of her right early,
Oh! gin my wife
wad drink hooly and fairly.


She’s drunken her stockings
sae has she her shoon,
And she has drunken
her bonny new gown;
She’s drunkan her sark
that cover’d her early,
Oh! gin my wife
wad drink hooly and fairly.


First she drank crummie,
and then she drank garie,
Syne she has drunken
my bonny grey marie,
That earned me thro'
the dub and the larlie,
Oh gin my wife
wad drink hooly and fairly,


Wad she drink but her ain things,
I wadna much care,
But she drinks my claithe
that I canna well spare,
When i'm wi' my gosips,
it angers me fairly,
Oh gin my wife
wad drink hooly and fairly.


My Sunday's coat
she has laid a wad,
The belt blue bonnet
e’er was on my head;
At kirk or at market,
I’m cover’d but barely,
Oh gin my wife
wad drink hooly and fairly.


When there’s ony filler,
she maun keep the purse,
Gif I seek but ae bawbee,
she'll scald and she'll curse,
She lives like a Queen,
I serimpet and barely,
Oh gin my wife
wad drink hooly and fairly!


A pint with her kimmers
I wad her allow
But when she sits down
she drink’s till she’s fou,
And when she is fou
she’s unco canstarie,
Oh gin my wife
wad drink hooly and fairly.


When she gaes to the causey.
she roars and she pants,
Has no dread of her neighbours,
nor minds the house wants;
Roar up some foolish lilt.
like up thy heart charlie,
Oh gin may wife
wad drink hooly and fairly.


And when she comes hame,
she lays on the lads,
And ca's the lasses
haith limmers and jades;
And my sell nought
but an auld cuckold earlie,
Oh gin my wife
wad drink, hooly and fairly,



This work was published before January 1, 1925, and is in the public domain worldwide because the author died at least 100 years ago.