Seven excellent new songs/Had I the wyte

---

HAD I THE WYTE SME BAD ME.

Had I the wyte, had I the wyte,
⁠Had I the wyte she bade me?
She watch'd me by the hiegate side,
⁠And up the loan she show'd me.

And when I wadna venture in,
⁠A coward loon she ca'd me:
Had kirk and state been in the gate,
⁠I'd lighted when she bade me.

Sae craftille she took me ben,
⁠And bade me mak nae clatter;
"For our ramgunshock, glum goodman
⁠"Is o'er ayont the water."

Whae'r shall say I wanted grace,
⁠When I did kiss and daute her,
Let him be planted in my place,
⁠Syne, say, I was a fautor.

Could I for shame, could I for shame,
⁠Could I for shame refus'd her?
And wadna manhood been to blame,
⁠Had I unkindly us'd her.

He claw'd her wi' the rippling-kame,
⁠And blae and bluidy bruis'd her;
When sic a hus and was frae hame,
⁠What wife but wad excus'd her?

I dighted ay her cen sae blue,
⁠And bann'd the cruel randy;
And weel I wat her willing mou
⁠Was e'en like sugarcandie.

At gloanin-shote it was, I wat
⁠I lighted on the Monday;
But I cam thro' the Tisday's dew,
⁠To wanton Willie’s braudy.