Seven sentimental songs/This is No My Ain Lassie
THIS IS NO MY AIN LASSIE.
This is no my ain lassie,
Fair though the lassie be;
O well ken I mine ain lassie,
Kind love is in her ee.
I see a form, I see a face,
Ye weel may wi' the fairest place;
It wants to me the witching grace,
The kind love that's in her ee.
O this is no, &c.
She's bonny, blooming, fresh and tall,
And lang has had my heart in thrall,
And aye it charms my very saul,
The kind love that's in her ee.
O this is no, &c.
A thief sae pawkie is my Jean,
To steal a blink by a' unseen;
But gleg as light are lovers' een,
When kind love is in the ee.
O this is no, &c.
It may escape the courtly sparks,
It may escape the learned clerks:
But weel the watching lover marks
The kind love that's in her ee
O this is no, &c.
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse