The Book of Scottish Song/O Nancy's hair

O Nancy’s hair.

[To an old Border melody.]

Oh Nancy's hair is yellow like gowd,
⁠An' her een, like the lift, are blue;
Her face is the image o' heavenly luve,
⁠An' her heart is leal and true.

The innocent smile that plays on her cheek,
⁠Is like the dawning morn;
An' the red, red blush, that across it flees,
⁠Is sic as the rose ne'er has worn.

If it's sweet to see the flickerin' smile
⁠Licht up her sparklin' e'e,
Its holier far to see it dimm'd
⁠Wi' the gushin' tear's saut tree.

'Twas na for a faithless luve's fause vows,
⁠Nor a brither upo' the wave,
That I saw them fa'—no, they were drapt
⁠On an aged father's grave.

Though joy may dimple her bonnie mou',
⁠An' daftin' may banish care,
In nae blythsome mood, nor hour o' bliss,
⁠Will these een e'er glint sae fair.

---