The Book of Scottish Song/O lay thy loof in mine

From Wikisource
Jump to navigation Jump to search
2269594The Book of Scottish Song — O lay thy loof in mine1843

O lay thy loof in mine.

[Burns.—Tune, "Cordwainer's March."]

O lay thy loof in mine, lassie;
In mine, lass, in mine, lass;
And swear on thy white hand, lass,
That thou wilt be mine ain.
A slave to love's unbounded sway,
He aft has wrought me meikle wae;
But now he is my deadly fae,
Unless thou be my ain.

There's mony a lass has broke my rest,
That for a blink I ha'e lo'ed best;
But thou art queen within my breast,
For ever to remain.
O lay thy loof in mine, lass,
In mine, lass, in mine, lass,
And swear on thy white hand, lass,
That thou wilt be my ain.