The Book of Scottish Song/The Campsie Lassie

The Campsie Lassie.

[Steele.—Tune, "Miss Forbes's Farewell."]

I'll ne'er forget yon bonnie glen,
⁠'Mang Campsie fells sae vernal green,
For there I met the sweetest lass
⁠Yon towering hills had ever seen.
The smile of love sat on her lips,
⁠And twinkled in her sparkling e'e,
And while I fondly gazed on her,
⁠I wish'd she had been born for me.

My thoughts are wandering 'mang yon braes,
⁠And aye the lass I think I see,
Wha trippet o'er yon craggy rocks,
⁠Ae joyful summer day wi' me.
There's nane can tell what's yet to come,
⁠But round my heart I will entwine
The hope that time will bring the day,
⁠When I can ca' yon lassie mine.

---