The Book of Scottish Song/The Ingle Side
Jump to navigation
Jump to search
The Ingle Side.
[Hugh Ainslie.]
It's rare to see the morning bleeze
Like a bonfire frae the sea;
It's fair to see the burnie kiss
The lip o' the flow'ry lea;
An' fine it is in the green hill side,
When hums the hinny bee;
But rarer, fairer, finer far,
Is the ingle side to me.
Glens may be gilt wi' gowans rare,
The birds may fill the tree;
And haughs ha'e a' the scented ware
That simmer's growth can gi'e;
But the canty hearth where cronies meet,
An' the darling o' our e'e,
That mak's to us a warld complete;
O the ingle side's for me.