The Book of Scottish Song/What's a' the steer

What’s a’ the steer.

[Jacobite Song.]

What's a' the steer, kimmer?
⁠What's a' the steer?
Charlie he is landed,
⁠An', haith, he'll soon be here.
The win' was at his back, carle,
⁠The win' was at his back;
I carena, sin' he's come, carle,
⁠We were na worth a plack.
I'm right glad to hear't, kimmer,
⁠I'm right glad to hear't;
I ha'e a gude braid claymore,
⁠And for his sake I'll weart.
Sin' Charlie he is landed,
⁠We ha'e nae mair to fear;
Sin' Charlie he is come, kimmer,
⁠We'll ha'e a jublee year.

---