The Book of Scottish Song/When she cam' ben

When she cam’ ben.

[Improved by Burns for Johnson's Museum from an old but somewhat indelicate ditty. Tho tune is now more generally known by the name of "The Laird o' Cockpen."]

O when she cam' ben she bobbit fu' law,
O when she cam ben she bobbit fu' law,
And when she cam" ben, she kiss'd Cockpen,
And syne she denied that she did it at a'.

And wasna Cockpen richt saucy witha',
And wasna Cockpen richt saucy witha',
In leaving the dochter of a lord,
And kissing a collier lassie an' a'?

O never look doun, my lassie, at a',
O never look doun, my lassie, at a',
Thy lips are as sweet, and thy figure complete,
As the finest dame in castle or ha'.

Though thou ha'e nae silk and holland sae sma',
Though thou ha'e nae silk and holland sae sma',
Thy coat and thy sark are thy ain handywark,
And Lady Jean was never sae braw.

---