The Canary/The Birks of Aberfeldy

From Wikisource
Jump to navigation Jump to search
For other versions of this work, see The Birks of Aberfeldy.
4509583The Canary — The Birks of AberfeldyRobert Burns (1759-1796)

The Birks of Aberfeldy.

Bonny lassie, will ye go,
Will ye go, will ye go,
Bonny lassie, will ye go
To the Birks of Aberfeldy.

Now Simmer blinks on flowery braes,
And o'er the crystal streamlets plays,
Come, let us spend the lightsome days
In the Birks of Aberfeldy.

Bonny lassie, will ye go,
Will ye go, will ye go,
Bonny lassie, will ye go,
To the Birks of Aberfeldy.

The little birdies blythely sing,
While o'er their heads the hazels hing,
Or lightly flit on wanton wing
In the Birks of Aberfeldy.

The braes ascend like lofty wa's,
The foamy stream deep roaring fa's,
O'er-hung wi' fragrant spreading shaws
The Birks of Aberfeldy.

The hoary cliffs are crown'd wi' flowers,
White o'er the lins the burnie pours,
And, rising, weets wi' misty showers
The Birks of Aberfeldy.

Let fortune's gifts at random flee,
They ne'er shall draw a wish frae me,
Supremely blest wi' love and thee,
In the Birks of Aberfeldy.