The Dame of honour/Fint a crum of thee she faws

Fint a Crum of Thee She Faws.

REturn hameward, my heart again,
and bide where thou was wont to be;
Thou art a fool to suffer pain.
For love of one that loves not thee:
My heart let be sic fantalie,
Love only where thou hast good cause
Since scorn and syking ne'er agree,
The fint a crum of thee she faws.

To what effect should thou be thrall?
Be happy in thy ain free will;
My heart be never bestial,
But ken wha does thee good or ill:
At hame with me then tarry still,
And see wha best can play thy paws,
And let the filly fling her fill,
For fint a crum of thee she faws.

Though she be fair, I will not fenzie,
She's of a kind with mony mae;
⟨For⟩ why, they are a felon menzie,
That seemeth good and are not fae:
My heart, take neither strut not wae,
For Meg, for Margery, or Mause,
But be thou blythe, and let her gae,
For fint a crum of thee she faws.

Remember how that Media,
wild for a sight of Jason yield;
Remember how young Cressida
Left Troilus for Diomede:
Remember Helen, as we read,
Brought Troy from bliss unto bare waws:
Then let her gae where she may speed,
For fint a crum of thee she faws.

Because she said, I took it ill,
For her depart my heart was fair,
But was beguil’d; gae where she will,
Beshrew the heart that first takes care:
But be thou merry late and air,
This is the final end and clause,
And let her feed and fooly fair,
For fint a crum of thee she faws.

Ne’er dunt again within my breast,
Ne’er let her slights thy courage spill,
Nor gi’e a fab, although she sneest,
She's fairest paid that gets her will,
She gecks as gif I meant her ill,
When she glaiks paughty in her braws;
Now let her snirt and syke her fill,
For fint a crum of thee she faws.