The Singers' companion, a choice selection of fashionable songs/I gaed a waefu' gate yestreen
———
I GAED A WAEFU' GATE YESTREEN.
Being with enthusiastic applause by R. A. Smith. Words by Burns. Music, with accompaniments for the Piano Forte, by Dr John Clarke.
I gaed a waefu' gate yestreen,
A gate, I fear, I'll dearly rue;
I gat my death frae twa sweet een,
Twa lovely een o' bonnie blue.
'Twas not her golden ringlets bright,
Her lips like roses, wat wi' dew,
Her heaving bosom, lily-white,
It was her een sae bonnie blue.
She talked, she smiled, my heart she wiled,
She charmed my soul, I wistna how;
And aye the stound, the deadly wound,
Cam frae her een sae bonnie blue.
But spare to speak, and spare to speed,
She'll aiblins listen to my vow;
Should she refuse, I'll lay my dead
To her twa een sae bonnie blue,
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse