The calm dewy morning/Bundle and go

---

BUNDLE AND GO.

O haste mi dear lassie, thy lover ready,
To prove he is faithfu’ and true his jo;
Come share o’ my fate, and tak part o’ my plaid,
O bonnie lass, wiltu na bundle and go?
Thy vow are sae true may never be broken,
To flee wi’ me, come weel or come woe;
Thy glove, my love, is here as a token,
Sae bonnie lass, wiltu na bundle and go?

Our road it is lang. and the night’s mirk an’ rainy,
The dubs are a fu’, and our pace will be slow;
My daddy will soon be asteer for his Jenny,
Sae bonny lad, how can I bundle and go?
Still true for you a season I’ll tarry,
Mair kind you’ll find, my daddy will grow;
fain would gain his blessing to marry,
And then my dear lad, I wad bundle and go."

live now ta'en my leave o' my comrades sae loving,
While tears o' affection in plenty did flow:
My stock is a' here, and I lang to be moving,
I thouoht thou wast ready to bundle and go,
Alane I’ll mane the loss o' my dearie,
Wi' pain in vain my bossom may glow;
L're day be grey, and stranger and weary,
I'll mourn thy refusal to bundle and go.

O haste na dear laddie, O haste na to lea’ me,
I vow d to be true, and I mean to be so,
Altho’ my auld daddy nac tocher should gie me,
Wi’ you, my dear lad, I will bundle and go.
Then prove, my love, a partner that’s steady,
Our joys may rise, tho’ fortune be low;
To flee wi’ thee this night I'm ready,
Fareweel, my auld daddy, I'll bundle and go.