The fables of Aesop by William Caxton (Jacobs)/Vol. II/Liber Quartus/Fable 10
¶ The tenthe fable is of the asse and of the lyon
He grete callers by theyr hyghe and
lowd crye supposen to make folke
aferd / As recyteth this fable / Of
an asse whiche somtyme mette
with a lyon / to the whiche the
asse sayd / lette vs clymme vpon the montayne /
and I shalle shewe to the / how the beestes ben
aferd of me / and the lyon beganne to smyle /
and he ansuerd to the asse / Goo we my broder /
And whan they were on the top of the hylle /
the asse byganne to crye / And the foxe and
hares beganne to flee / And whanne thasse saw
them flee sayd to the lyon / Seest thow not how
these beestes dreden and doubten me / and the
lyon sayde / I had ben also[errata 1] ferdfull of thy voys /
yf I had not knowen veryly that thow arte but
an asse / ¶ And therfore men nede not doubte
ne drede hym that auanceth hym self for to do
that that he may not doo / For god kepe the
[errata 2] fro the wulues / Ne also men nede not
doubte a foole for his menaces / ne for his hyghe
crye