The fables of Aesop by William Caxton (Jacobs)/Vol. II/Liber Quartus/Fable 11
Jump to navigation
Jump to search
¶ The xj fable is of the hawke and of other byrdes
He ypocrytes maken to god a berd of strawe / As recyteth to vs this fable / Of a hawke / whiche somtyme fayned / that he wold haue celebrated and holden a natall or a grete feste / the whiche feste shold be celebred within a Temple / And to this feste and solempnyte he Inuyted and somoned alle the smal byrdes / to the whiche they came / And Inkontynent as they were all come in to the temple / the hauk shette the gate and put them alle to dethe / one after an other / ¶ And therfore this fable sheweth to vs / how we must kepe our self fro all them / whiche vnder fayre semynge haue a fals herte / and that ben ypoerytes[errata 1] and deceptours of god and of the world /