The fables of Aesop by William Caxton (Jacobs)/Vol. II/Auian/Fable 11
¶ The xi fable is of the Ape and of his sone
o fowler a thyng is to the man / than
with his mouth to preyse hym self /
As this fable reherceth to vs / Of
Jupiter kynge of alle the world
whiche made alle the beestes and
alle the byrdes to be assembled to gyder for
to knowe theyr bounte / and also theyr kynd /
Emonge alle the whiche came the Ape / whiche
presented his sone to Jupiter / sayenge thus /
Fayre syre and myghty god / loke and see here
the fairest beest that euer thow createst in this
world / And Jupiter thenne beganne to lawhe /
and after sayd to hym / thow arte wel a fowle
beest to preyse soo thy self / For none oughte
to preyse hym self / but oughte to doo good
and vertuous werkes / wherof other may preyse
hym / for it is a shameful thyng to preyse hym
self