The fables of Aesop by William Caxton (Jacobs)/Vol. II/Auian/Fable 24
¶ The xxiiij fable is of the goos and of her lord
E that ouer ladeth hym self / is
euylle strayned / As this fable
sayeth / of a man / whiche had
a goos / that leyd euery day an
egge of gold / The man of
auaryce or couetousnes commaunded and bad
to her / that euery daye she shold leye two
egges / And she sayd to hym / Certaynly / my
mayster I maye not / wherfore the man was
wrothe with her / and slewe her / wherfore he
lost that same grete good / of the whiche dede
he was moche sorowful and wrothe / how be
it that it was not tyme to shette the stable
whan the horses ben loste / & gone/ And he
is not wyse whiche does such a thynge / wherof
he shalle repente hym after ward / ne healso /
whiche doth his owne dommage for to auenge
hym self on somme other / For by cause that
he supposeth to wynne al / he leseth all that
he hath.