Tibby Fowler/Tibby Fowler

---

TIBBIE FOWLER.

Tibbie Fowler o' the glen,
There's o'er monie wooin at her,
Tibbie Fowler o' the glen,
There's o'er monie wooin at her.
Wooin at her, pu'in at her,
Courtin at her, canna get her;
Filthy elf, its for her pelf,
That a' the lads are wooin at her.

Ten cam east, and ten cam west,
Ten cam rowin o'er the water;
Twa cam down the lang-dyke side,
There's twa and thirty wooin at her.
Wooin at her, &c.

There's seven but, and seven ben,
Seven in the pantry wi' her;
Twenty head about the door,
There's ane-and-forty wooin at her.
Wooin at her, &c.

She's got pendles in her lugs,
Cockle shells wad set her better;
High-heel'd shoon and siller tags,
And a' the lads are wooin at her.
Wooin at her. &c.

Be a lassie e'er sae black,
An she hae the name oʻsiller,
Set her upo' Tintoc tap,
The wind will blaw a man till her.
Wooin at her, &c.

Be a lassic e'er sae fair,
An' she want the pennie siller,
A flie may fell her in the air,
Before a man be even till her.
Wooin at her, &c.