User:Rho9998/Boethius Prayer

Bodleian Library MS. Bodl. 180, 94r

Drihten ælmihtiga god wẏrhta ⁊ wealdend ealra gesceafta ic
bidde þe for þinre micelan mildheortnessan· ⁊ for þære halegan rode
tacne. ⁊ for Sc̆a Marian mægð hade. ⁊ for Sc̆e Michaeles gehẏrsŭ
nesse· ⁊ for ealra þinra halgana lufan ⁊ heora earnungŭ ꝥ þu
me gewissige bet þonne ic awẏrhte to þe. ⁊ gewissa me to þinŭ
willan ⁊ to mine sawle þearfe bet þonne ic sẏlf cunne· ⁊ gestaþe
la min mod to þinŭ willan ⁊ to minre sawle þearfe. ⁊ gestranga
me wið þæs deofles costnungŭ· ⁊ afẏrra fră me þa fulan gal
nẏsse. ⁊ æl^ce unrihtwisnẏrse. ⁊ gescẏlde me wið minŭ wiðer
winnŭ gesewenlicŭ ⁊ ungesewenlicŭ ⁊ tæc me þinne willan to
wẏrcenne ꝥ ic mæge þe inweardlice lufian toforon eallŭ þingŭ
mid clænŭ geþance· ⁊ mid clænŭ lichaman · fo þon þe þu eart
min sceoppend. ⁊ mind alesend· min fultŭ· min frofer· min trew
nes· ⁊ mn tohopa· si þe lof· ⁊ wẏlder · nu · ⁊ a·a·a toworulde
buton aghwilcŭ ende Amen ·