Welcome Charlie o'er the main/Welcome Charlie O'er The Main

From Wikisource
Jump to navigation Jump to search
Welcome Charlie o'er the main (1826)
Welcome Charlie O'er The Main
3267696Welcome Charlie o'er the main — Welcome Charlie O'er The Main1826

WELCOME CHARLIE O'ER THE MAIN.

Arouse, arouse each kilted clan!
Let Highland hearts lead on the van,
And forward wi' their durks in han’
To fight for Royal Charlie.
Welcome Charlie o'er the main,
Our Highland hills are a' your ain,
Welcome to your Isle again;
O welcome Royal Charlie!

Auld Scotia's sons 'mong Highland hills,
Can nobly brave the face o’ ills,
For kindred fire ilk bosom fills,
At sight of Royal Charlie.
Welcome Charlie, &c.

The ancient thistle wags her pow,
And proudly waves o'er dale and knowe,
To hear the oath and sacred vow——
We'll live and die for Charlie.
Welcome Charlie, &c.

Rejoic'd to think nae foreign weed,
Shall trample on our kindred seed;
For weel she kens her sons will bleed,
Or fix his throne right fairly.
Welcome Charlie, &c.

Amang the wilds o' Caledon,
Breathes there a base degenerate son,
Wha would not to his standard run,
And rally round Prince Charlie?
Welcome Charlie, &c.

Then let the flowing quaich go round,
And loudly let the Pibroch sound,
Till every glen and rock resound
The name o’ Royal Charlie.
Welcome Charlie o’er the main.
Our Highland hills are a' your ain;
Welcome to your throne again,
O welcome Royal Charlie.


This work was published before January 1, 1929, and is in the public domain worldwide because the author died at least 100 years ago.

Public domainPublic domainfalsefalse