Young Lochinvar (2)/Blythe Was She
BLYTHE WAS SHE.
Blythe, blythe and merry was she,
Blythe was she but and ben:
Blythe by the banks of Earn,
And blythe in Glenturin glen
By Ochtertyre grows the aik,
On Yarrow braes the birken shaw;
But Phemie was a bonnier lass,
Than braes o' Yarrow ever saw.
Blythe, &c.
Her looks were like a flower in May,
Her smile was like a summer morn;
She tripped by the banks o' Earn,
As light's a bird upon a thorn.
Blythe, &c.
Her bonny face it was as meek,
As onie lamb npon a lee;
The ev'ning sun ⟨was⟩ ne'er sae sweet
As was the blink o' Phemie's ee.
Blythe, &c.
The Highland hills I've wander'd wide,
And o'er the Lowlands I ⟨hae⟩ been;
But Phemie was the blythest lass,
That ever tred the dewy green.
Blythe, &c.
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse