This page has been validated.
SEVENTY-NINTH PSALM IN ARMENIAN.
(An Armenian mother, writing to her son in the United States, requested him to read the seventy-ninth Psalm in order to know of the situation in Armenia.)
Սաղմոս Ասափայ։ | |
1 | Ո՛վ Աստուած՝ հեթանոսները քու ժառանգութեանդ մէջը մտան․ քու սուրբ տաճարդ պղծեցին․ Երուսաղէմը աւերակներու դարձուցին։ |
2 | Քու ծառաներուդ դիերը երկինքի թռչուններուն կերակուր տուին․ քու սուրբերուդ մարմինը երկրի գազաններուն։ |
3 | Անոնց արիւնը ջուրի պէս թափեցին Երուսաղեմին բոլորտիքը, ու մէկը չկար որ զանոնց թաղէր։ |
4 | Մեր դրացիներուն նախատինք եղանք, ծաղր ու կատակ՝ մեր բոլորտիքը եղողներուն։ |
5 | Մինչև ե՞րբ՝ ո՜վ Տէր․ միշտ պիտի բարկանա՞ս ․ քու նախանձդ կրակի պէս պիտի բորբոքի՞։ |
6 | Թափէ՛ քու բարկութիւնդ ան ազգերուն վրայ՝ որ քեզ չեն ճանչնար, ու ան թագաւորութիւններուն վրայ՝ որ քու անունդ չեն կանչեր։ |
7 | Ինչու որ Յակոբը կերան, ու անոր բնակութիւնը աւերակ դարձուցին։ |
8 | Մի յիշեր մեզի դէմ առջի անօրէնութիւնները․ թող շուտով հասնի մեզի քու ողորմութիւններդ, ինչու որ խիստ թշուառացանք։ |
9 | Քու անուանդ փառքին համար օգնէ մեզի՝ ով մեր փրկութեան Աստուածը․ և քու անուանդ համար փրկէ՛ մեզ, ու մեր մեղքերը քաւէ՛։ |
10 | Ինչո՞ւ ըսեն հեթանոսները, թէ Ո՞ւր է անոնց Աստուածը․ թող յայտնուի՛ հեթանոսաց մէջ մեր աչքերուն առջևը քու ծառաներուդ թափուած արիւնին վրէժը։ |
11 | Կապուածին հառաչանքը քու առջի՛դ թող ելլէ․ քու զօրութեանդ մեծութիւնովը մահուան մատնուածները ապրեցո՛ւր։ |
12 | Ու եօթնապատիկ հատուցո՛ւմ ըրէ մեր դրացիներուն իրենց ծոցին մէջը՝ ան իրենց նախատինքին փոխարէնը, որով քեզ անարգեցին՝ ո՛վ Տէր։ |
13 | Բայց մենք քու ժողովուրդդ ու քու արօտիդ ոչխարները՝ յաւիտեան քեզ պիտի գովենք, ու քու փառքդ պիտի պատմենք ազգէ մինչև ազգ։ |
See also page 222.