Louden's bonny woods and braes/Louden's Woods and Braes
LOUDEN'S WOODS AND BRAES.
Louden's bonny Woods and Braes,
I maun lea them a' Lassie,
Wha can thole when Britain's faes,
Would ha'e Britain's laws Lassie;
Wha would shun the field of danger,
Wha frae fame would be a stranger,
Now when Britain is in danger,
Wha would shun her ca‘ lassie,
Louden's bonny woods and braes,
Ha'e seen our peaceful bridal days.
And gentle peace shall soothe thy ways
When I am far awa’ lassie.
Hark! the swelling Bugle sings,
It brings joy to thee Laddie
But the doleful bugle brings,
Waefu' thoughts to me Laddie;
Lanely I maun climb the Mountain,
Lanely stray beside the Fountain.
Still the weary moments counting,
Far frae love and thee Laddie;
O‘er the gory field of war,
Where Vengeance drives her crimson car,
You may fa' frae me afar,
And nane to close thy e‘e Laddie.
O resume thy wonted smile,
O suppress thy tear lassie,
Honour, glory, crowns our toil,
That's a sodger's fee Lassie,
Heav'n will shield thy faithful lover,
Till the vengeful strife is over,
Then we'll meet nae mair to sever,
Till the day we die Lassie.
Louden‘s, bonny Woods and Braes,
Shall see our future happy days,
And blythe our hearts as lambs that graze
On Louden‘s bonny Braes Lassie.
Weel I mind the happy day,
United thee and me Laddie,
But ne‘er thought I that you would stray
Frae Louden‘s Braes and me Laddie,
May heav'n avert the threat'ning blows,
Till it avenge thee on each foe,
And Galic sons wi‘ their last threws,
May kiss the road to me Laddie;
Louden's bonny Woods and Braes,
Shall grace our kind congenial days,
Responsive to my hero's praise,
And echo's answer gay Laddie.
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse