New minstrel/O are ye Sleepin' Maggie
O ARE YOU SLEEPIN' MAGGIE.
O are you sleepin' Maggie
O are you sleepin' Maggie
Let me in, for loud the linn,
Is roarin' o'er the warlock craigie
Mirk and rainy is the night,
No a starn in a' the carry,
Lightnings gleam athwart the lift,
An' winds drive wi' winters fury
Fearfu' soughs the boor tree bank,
The rifted wood roars wild an' dreary,
Loud the iron yate does clank.
An' cry o' howlets maks me eerie.
O are ye sleepin' Maggie, &c.
boon my breath I daurna speak,
For fear I rouse your waukrife Daddy
Cauld's the blast upon my cheek,
O rise, rise my bonny Lady.
O are ye sleepin' Maggie, &c.
She op't the door, she let him in,
He cuist aside his dreepin' plaidie;
"Blaw your warst ye rain an' win',
Since Maggie now I'm in aside ye,'
Now since ye'er waukin' Maggie!
Now since ye're waukin' Maggie!
What care I for howlets cry,
For boor—tree bank, or warlock craigie.
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse