pon haue a flighte take iij. coꝛnes of whete, and put hem in a moꝛcell of fleſh, and yeue the ſame moꝛcellis to the hawke, and ſhe will caſt anoon all that ſhe hath within heꝛ, and anoon afteꝛ that ſhe hath caſt. Looke ye haue a moꝛcell of hoote meete, to yeue hiꝛ ¶And if yowre hawke be oueꝛgooꝛged, yeue heꝛ the ſame medeſyn.
¶A medecyne foꝛ the Ry
Take dayſes leeuys, and ſtampe hem in a moꝛter, and wꝛynge owt the Juſe, and with a penne put it in the hawkis nares Ones oꝛ twyes whan the hawke is ſmalle gooꝛged, and a non afteꝛ let hiꝛ tyre, and ſhe ſhall be hoole as a fyſh ¶Oꝛ ellis take peꝛcelli Rootis and ſeꝛue hiꝛ with theyem in the ſame maneꝛ, and when ſhe tyrith holde rew ī yowre honde with the tyring and that ſhall make hiꝛ voide, bot it is peꝛlous to vſe it often that the Juce fall neꝛ ſpꝛyug in to hiꝛ yghes.
¶Alſo and ye yeue yowre hawke freſh butteꝛ oꝛ the marow of hogges that is in the bone of the butte of poꝛke, it ſhall make hiꝛ to caſt wateꝛ wele at the nares, and it will kepe the nares opyn, bot it will make hiꝛ hawtyn and prowde
¶A mecedyne foꝛ the Cray ⁊ moo folow
Take and chafe with yowre hondys the fundement of yowre
