4
Tullochgorum s my delight,
It gars us a' in ane unite,
And ony sumph that keeps up spite,
In conscience I abhor him.
Blythe and merry we's be a',
Blithe and merry,
Blithe and merry,
Blithe and merry we's be a,
To make a cheerfu' quorum;
Blithe and merry we's be a',
As lang as we hae breath to draw,
And dance till we be like to fa',
The Reel of Tullochgorum.
There needs nae be sae great a phrase
Wi' dringing dull Italian lays;
I wadna gie our ain Strathspeys
For hauf a hunder score o'm.
They're dowff and dowie at the best,
Dowff and dowie,
Dowff and dowie,
They're dowff and dowie at the best,
Wi' a' their variorum:
They're dowff and dowie at the best,
Their allegro's, and a' the rest,
They canna please a Highland taste,
Compar'd wi' Tullochyorum.
Let wardly minds themselves oppress,
Wi' fear o' want, and double cess,
And silly sauls themselves distress,
Wi' keeping up decorum.
