THE CLYDESDALE WEDDING.
Come in man an' tell us your crack,
I heard you was o'er at the weddin',
Why truly indeed I was that,
An' I lent them a hand at the beddin'.
It’s gudesake man how cam ye on,
For Patie's a comical body,
And mony a terrible day,
We had wi' him courting the howdy.
Come on, man quoth he. we did weel,
Ye ne'er saw the like o't I'm thinkin';
Wi' loupin and dancin' and singin,
An' fouth o' gude eatin' and drinkin’.
It's no like the weddings that's now,
Whar theres nought bu' leaf bread & some butter,
Wi' three cups o' ji blach o' ⟨tea⟩
Sweeten'd up with a wee pickle sugar.
But there was plenty to eat,
Aye an kale ye might sup while your able,
Wi' a gude muckle fat Scottish haggis,
To grace the head of the table.
Besides there was mountains of beef,
An a heal bouk o' gude roasted mutton,
An' Patie cried, Sirs, will, ye eat,
An' Will worried just like a glutton.
