3
I declare tae ye, goodwife, I thought shame,
For the great greedy hash he sat next me;
An' we baith had to eat aff yae plate,
An' this was the way that he fix'd me;
When the haggis was serv'd us a roun',
As muckle as might serv'd a dizen,
I scarcely got liftin my spoon,
Till he had it a' cram'd down his wizen.
Preserve us, quoth I, is it dune,
Says Will, but I'm fond o' a haggis,
But look man, see yonder ahoon,
There's plenty o' mutton and tatties;
Nae fears but we'll a' get our fill,
For Patie's a braw hearty fallow,
But O man the haggis was gude,
For I'm sure that the half o't was tallow.
The bodies a' eat till they left,
But Will ay. an' that was the funniest,
For when he had thrapled up a
He cried out may the deil claw the clungest.
For I’m sure I hae gotten my fill;
Quoth Tam, here's a glass to digest it,
Weel here's tae ye Patie, cried Will.
For I'm sure we've a been well feasted.
Then Jock sang us bonny Tweedside,
And Tam sang us Hooly and Fairly,
And Will sang the banks o' the Clyde.
And Jen sang the auld drucken carlie;
Till the drink put the bees in their heads,
