Page:Dramas 3.pdf/54

WILKIN.

Leddy—young leddy, on fire.

BAWLDY.

Gude saf' us a'! can this be true!

[Voices without.]

FIRST VOICE.

I'll tak amends o' her for cheating us again.

SECOND VOICE.

An' sae will I, spitefu' carlin! Maun naebody hae power but hersel?

Enter Mary Macmurren and Elspy Low, and Bawldy hides himself behind the door.

MARY MACMURREN.

There's power to be had, that's certain: power that can raise the storm and the fiend; ay, that can do ony thing. But we're aye to be puir yet: neither meat nor money, after a' s dune!

ELSPY LOW.

Neither vengeance nor glawmery, for a' the wicket thoughts we hae thought, for a' the fearfu' words we hae spoken, for a' the backward prayers we hae prayed!—I'll rive her eyen out o' her head, though they shou'd glare upon us frae their hollow sconces, like corpse-can'les frae a grave-stane.