5
O! waefu' the parting, when smiling at danger,
Young Allan left Scotia to meet wi' the fae:
Cauld, cauld now he lies in a land amang strangers,
Frae friends and fare Helen for ever away.
By the sik on the mountain resists the blast rairin’,
Sae did he the brunt o’ the battle sustain,
Till treachery arrested his courage sae darin',
And laid him pale lifeless upon the drear plain
Cauld winter the flower divests o' its cleadin',
In simmer again it blooms bonny to see;
But naething alas! can e’er heal my heart bleeding
Drear winter remaining for ever wi' me
LAST MAY A BRAW WOOER.
Last May a braw wooer came down the rang glen
And sair wi’ his love did he deava me;
I said there was naething I hated like men,
The deuce gae wi'm to believe me, to believe me
The deuce gae wi’m to believe me.
He spoke o' the darts in my bonnie black e'en
And vow'd for my love he was dying;
I said he might die when he liked for Jean,
The Lord forgie me for lying, for lying,
The Lord forgie me for lying.
