Page:Gospel of Saint John in West-Saxon.djvu/56

8. Gāst oreðað þār hē wile, and þū gehȳrst his stefne, and þū nāst hwanon hē cymþ, nē hwyder hē gǣþ; swā is ǣlc þe ācenned is of Gāste.^[1]

9. Đā andswarode Nichodemus and cwæð, Hu magon þās þing þus geweorðan?

10. Sē Hǣlend andswarode and cwæð tō him, Ðu eart lārēow Israhela folce, and þū nāst þās ðing?

11. Sōþ ic þē secge, þæt wē sprecað þæt wē witon, and we cȳðað þæt wē gesāwon; and gē ne underfōð ūre cȳðnesse.^[2]

12. Gif ic ēow eorþlīce þing sǣde, and gē ne gelȳfað, hūmeta gelȳfe gē gif ic ēow heofonlīce þing secge?^[3]

13. And nān man ne āstīhð tō heofenum, būton sē ðe nyðer cōm of heofonum, mannes Sunu sē ðe cōm of heofonum.^[4]

14. And swā swā Moyses þā nǣddran ūp āhōf on þām wēstene, swā gebyrað þæt mannes Sunu bēo ūp āhafen:^[5]

15. Þæt nān þāra ne forwurðe þe on hyne gelyfð, ac hæbbe þæt ēce līf.^[6]

Ðys [godspel] sceal on ōðerne pentecostenes mæssedæg.

16. God lufode middaneard swā þæt hē sealde

1. A, þær; A, hwanen.
2. A, and þæt we (for and we); A, cyðnesse.
3. A, eorlice; Corp., heofonlicæ, A, heofenlice, B heofonlice, (C, defective).
4. A, heofenum (thrice).
5. B, C, nædran.
6. A, þæra; A, forweorðe, Corp., hæbe, A, B, C, hæbbe.