Page:Gospel of Saint John in West-Saxon.djvu/71

39. Smēageað hālige gewritu, for ðām þe gē awēnað þæt gē habbon ēce līf on þām; and hig synt þe gewitnesse cȳþaþ be mē;^[1]

40. and gē nellað cuman tō mē þæt gē habbon līf.

41. Ne underfō ic nāne beorhtnesse æt mannum.

42. Ac ic gecnēow ēow, þæt gē nabbaþ Godes lufe on ēow.^[2]

43. Ic cōm on mīnes Fæder naman, and gē mē ne underfēngon; gyf ōþer cymþ on his āgenum naman, hyne gē underfōð.^[3]

44. Hū mage gē gelȳfan þe ēow betwēonan wuldor underfōð, and ne sēceaþ þæt wuldor þe is fram Gode syluum?^[4]

45. Ne wēne gē þæt ic ēow wrēge tō Fæder; sē is þe ēow wrēgð, Moyses on þone gē gehyhtað.^[5]

46. Witodlīce gif gē gelȳfdon on Moyse, gē gelȳfdon ēac mē; sōðlīce hē wrāt be mē.

47. Gif gē his stafum ne gelȳfað, hū gelȳfe gē mīnum wordum?

1. A, smeagað; A, habbað, C, habbod.
2. A, gecneow þæt (omission of eow by hapiography).
3. B, C, unðerfoð.
4. A, betwynan; A, secað; A, sylfum, B, C, siluum.
5. A, Ne wene ge na; (Corp., A, on þone) B, C, omit on.