Page:Gospel of Saint John in West-Saxon.djvu/74

þā sǣ tō Capharnaum; hit wearð þā þȳstre, and sē Hǣlend ne cōm tō him.

18. Mycel wind blēow, and hit was hrēoh sǣ.

19. Witodlīce þā hig hæfdon gerōwen swylce twēntig furlanga oððe þrīttig, þā gesāwon hig þone Hǣlend uppan þǣre sǣ gān, and þæt hē wæs gehende þām scype; and hig him ondrēdon.^[1]

20. Hē cwæð þā tō him, Ic hit eom; ne ondrǣdað ēow.

21. Hig woldon hyne niman on þæt scyp; and sōna þæt scyp wæs æt þām lande þe hig woldon tō faran.^[2]

22. Sōþlīce ōþre dæg sēo menigeo þe stōd begeondan þām mere geseah þæt þǣr næs būtan ān scyp, and þæt sē Hǣlend ne ēode on scyp mid his leorningcnihtan, ac his leorningcnihtas sylfe āna fōron;-^[3]

23. ōðre scypu cōmon fram Tiberiade wið þā stōwe þār hig þone hlāf ǣton, Drihtne þanciende;-^[4]

24. ðā sēo menigeo geseah þæt sē Hǣlend þār næs nē his leorningcnihtas, þā ēodon hig on^[5]

1. Corp. gehrowen, A, B, C, gerowen.
2. A, to woldon faran (changed order).
3. A, dæge; A, mænegeo; A, be eondan; A, C, butan; B, -cnihton, C, leornington; A, -cnyhtum; Corp., leorningcnihtas; A, B, C, leorning-; B, C, sylue.
4. B, C, comun.
5. A, mænigo; A, B, C, comon; B, C, þæne hælynd.