Page:Gospel of Saint Matthew in West-Saxon.djvu/39

nēode; sōðlīce sē morgenlīca dæg carað ymb hyne sylfne. Ǣghwylc dæg hæfð genōh on hys āgenum ymbhogan.^[1]

CAPUT VII

Ðys [godspel] sceal on þone fēorðan sunnandæg ofer pentecosten.

1. Nellen gē dēman, þæt gē ne sȳn fordēmede.

2. Witodlīce ðām ylcan dōme þe gē dēmað, ēow byð gedēmed; and on ðām ylcan gemete þe gē metaþ, ēow byþ gemeten.

3. Tō hwī gesihst þū þæt mot on þīnes brōþor ēagan, and þū ne gesyhst þone bēam on þīnum āgenum ēagan?^[2]

4. Oþþe hūmeta cwyst þū tō þīnum brēþer, Brōþur, þafa þæt ic ūt ādō þæt mot of þīnum ēagan, þonne sē bēam biþ on þīnum āgenum ēagan?^[3]

5. Lā þū līccetere, ādō ǣrest ūt ðone bēam of þīnum āgenum ēagan, and behāwa þonne þæt þū ūt ādō þæt mot of þīnes brōður ēagan.^[4]

6. Nellen gē syllan þæt hālige hundum, nē gē ne wurpen ēowre meregrotu^[5] tōforan ēowrum

1. A morgenlican dæg; A, ymbe; A, ymbehogan.
2. A, broðer, B, broður; Corp., egan; A, B, eagan.
3. Corp., cwistiþu, A, cwyst ðu, B, cwyst ðu; A, broðor (second time).
4. A, broðer.
5. A, Nellon ge þæt halige syllan hundum (changed order); A, worpen; A, meregrota.