[LACNUNGA.]
Harl. f. 130.WITH HEAFOD WRÆCE genim hamorwyrt & efenlastan nyðowearde · cnuca lege on clað gnid in wæter gnid swiðe þæt heo sy eall geleðred þweah mid þy leaðre þæt heafod gelome. Wið heafodwræce hindhæleða & grunde swylgean & fæn cyrsan · & giðrifan wyl in wætere[1] læt reocan in þa eagan þa hwile hy hate synd & ymb ða eagan gnid mid þam wyrtum swa hatum. Wið heafod wærce betan wyrtruman cnuca mid hunige awring do þæt seaw on þæt neb gelicge upweard wið hatre fol. 130 b.sunnan · & ahoh þæt heafod nyþer weard · oððæt seo ex sy gesoht · hæbbe him ær on muðe buteran · oððe ele asitte þonne uplang hnige þonne forð læte flowan · of þæn nebbe þa gilstre do þæt gelome oððæt hyt clæne sy. To heafod sealfe & to ehsealfe aluwan gegnid · in eced smyre þæt heafod mid · & in þa eagan do. Eahsealf win & piper do in horn · & in þa eagan þonne · þu ðe restan wille.
Eahsealf genim streawberian · nyþeweardan & pi-fol. 131 a.por do in clað bebind lege on gesweted wīn drype ōf þan claðe ænne dropan in ægðer eage. Gif eagan forsetene beoð genim hræfnes geallan & hwit mæringe wudu lehtric & leaxes geallan do to somne dryp on ꝥ eage þurh linhæwenne clað & gehwæde arodes woses þonne wacað ꝥ eage þis is[2] seo seleste eahsealf nim doran hunig & foxes smero & rahdeores mearh mæng to somne.
