wyrta togædere þrim nihtan ær sumor on tun ga, ælcre efenmicel, & gewyrce to drænce on wyliscan ealaþ, & þonne on niht þonne sumor on tun gæð on mergen, þonne sceal se man wacyan ealle þa niht, þe ðone drenc fol. 133 a.drincan wile, & þonne coccas crawan forman syðe þonne drince he æne, oþre siðe þonne dæg & niht scade, þriddan siðe þonne sunne upga, & reste hine syþþan. þis is seo grene sealf, betonica, rude, lufestice, finol, saluie, æðelferþincwyrt, sauine, helde, galluces moran, slarige, merce, cearfille, hræmnes fot, mugwyrt, organa, melde, quinquefolium, ualeriane, clate, medewyrt, dweorgedwoslan, pipeneale, solsequium, biscupwyrt, hæsel, quice, hegecliue, fol. 133 b.grundeswylie, brocminte & oþre mintan, cicena mete, gagel, hegehymele, cost, eorðnafala, hnutbeames leaf, lauberge, cymen, ele, weax. Wið adle, nim þreo leaf gageles on gewylledre mealtre meolce, syle þry morhgenas drincan.
Cap[ut].Wið heafodece, rude & dweorgedwosle & betan more & wuduroue, nim ealra euenmicel swa ðu mæge mid þinan scitefingre to þinum ðuman befon, cnuca hy smale, & mylt buteran & do of eall þæt fol. 134 a.fule & do on clæne pannan, & awyl ða wyrta þæron wel, & wring ðurh clað, do ele to, gif ðu begytan mæge, & smyre his heafod mid, þær hit acy.
