And broken the heart o' the barley miller.
The miller was strappin, the miller was ruddy;
A heart like a lord and a hue like a lady,
The laird was a widdiefu', blearit knurl:
She's left the gudo fellow and ta'en the churl.
The miller he hecht her a heart leal and loving':
The laird did address her in matter mair moving,
A fine pacing horse wi' a clear chained bridle,
A whip by her side, and a bonnie side-saddle.
O wae on the siller it is sae prevailing,
And wae on the love thats fix'd on a mailen:
A tocher's nae word in a true lover's parle;
But gie me my love, and a fig for the warl.
NANCY'S TO THE GREENWOOD GANE.
Nancy's to the greenwood gane,
To hear the gowdspink chatt'ring;
And Willie he has followed her,
To gain her love by flatt'ring.
But a' that he could say or do,
She geck'd and scorn'd ai him;
And aye when he began to woo,
She bid him mind wha gat him.
What ails ye at my dad, quath he,
My winny or my aunty?
With croudy-mowny they fed m,
Lang-kail and ranty-tanty;