APPENDIX.
I.
POSTULATUM OF THE BISHOPS FOR THE DEFINITION OF THE INFALLIBILITY.
SACRO CONCILIO OECUMENICO VATICANO.
A Sacra Oecumenica Synodo Vaticana infrascripti Patres humillime instanterque flagitant, ut apertis, omnemque dubitandi locum excludentibus verbis sancire velit supremam, ideoque ab errore immunem esse Romani Pontificis auctoritatem, quum in rebus fidei et morum ea statuit ac praecipit, quae ab omnibus christifidelibus credenda et tenenda, quaeve reiicienda et damnanda sint.
Rationes ob quas haec Propositio Opportuna et Necessaria censetur.
Romani Pontificis, beati Petri Apostoli successoris, in universam Christi Ecclesiam iurisdictionis, adeoque etiam supremi magisterii primatus in sacris Scripturis aperte docetur.
Universalis et constans Ecclesiae traditio turn factis turn sanctorum Patrum effatis, tum plurimorum Conciliorum, etiam oecumenicorum, et agendi et loquendi ratione docet, Romani Pontificis iudicia de fidei morumque doctrina irreformabilia esse.
Consentientibus Graecis et Latinis, in Concilio II Lugdunensi admissa professio fidei est, in qua declaratur: 'Subortas de fide controversias debere Romani Pontificis iudicio definiri.' In Florentina itidem oecumenica Synodo definitum est: 'Romanum Pontificem esse verum Christi Vicarium, totiusque Ecclesiae caput, et omnium christianorum patrem et doctorem; et ipsi in beato Petro pascendi, regendi ac gubernandi universalem Eccle-m 2
