addita sunt^ ea si Tacitus apte elocutus argumentum est^v
debent laudes Vitellio ab asseclis datas continere, quod priorem
sententiam iis, quae sequuntur, explicari et illustrari patet.
At quod sequitur, "Et Vitellius apud severos humilis", est
vituperantis : itaque id prioribus non simpliciter et directe
annecti potest, quod fit conjunctione Et ; sed reprehensio, in
quam apud severos incucurrerat Vitellius, debet oblique a
scriptore intexta esse, ita ut contrarium statuisse laudatores
intelligeretur, veluti si dixerit : " Et quamquam Vitellius
severorum hominum aestimatione humilis erat, quippe qui
nimiis in vulgus blanditiis et indecora familiaritate uteretur
tamen faventes earn non humilitatem vocabant, sed comitatem
bonitatemque' Accedit quod pronomen id ab Hug. Grotio
et lo. Fr. Gronovio invectum longe est pessimum. Gronoviu&
quidem hoc ad humilitatem rettulit, verba ita explicanda
ratus : " Id (quod humilis Vitellius) comitatem faventes
vocabant; quod vero sine modo et judicio sua et aliena
largiretur, vocabant bonitatem". At hoc si voluisset Tacitus,
voces comitatem bonitatemque non tarn arete conjunxisset et
in unum quasi corpus conglutinasset, sed distinctis scripsisset
vocabulis : "Id comitatem faventes vocabant, et bonitatem,
quod sine modo etc." Potius igitur comitatem bonitatemque
conjunctim Tacitus de eo dixit, quod Vitellius erga omnes,
nullo judicio, munificus et liberalis esset : in qua re cum
bonitate simul comitatem agnoscere faventes poterant, quod
qui nimium comis est, sine judicio et facilius obsequitur
cuivis gratiam postulanti. Quapropter repudiamus Grotii
Gronoviique rationem : in qua quum aliquid duri relinqui
sensisset etiam Ernestius, tamen quod sibi persuaserat, in tali
scriptore^ ut ait, hoc esse ferendum neque perspexerat, nullum
unquam auctorem diligentius et exactius quam Tacitum locu-
tum esse, operam non dedit, ut verum quaereret. In libris
quidem non istud id, sed pro eo ita habetur : Tacitus vero
quum pro vulgaribus Quamquam et tamen soleat Ut atque
ita dicere, ipsum illud ita eo ducit, ut in praegressis excidisse
voculam tit statuamus : qua reposita lucramur eam, quam
supra postulavimus, sententiarum juncturam. Atque illud
UT quum inter ET ac VITellius facillime excidere potuerit,
non dubitamus id ibi inserere : miramur vero quod nee Gro-
novius neque Ernestius obsecuti sunt Beato Rhenano, Acidalio,
Page:Philological Museum v2.djvu/706
Jump to navigation
Jump to search
This page needs to be proofread.
Miscellaneous Observations..
696