halatak oc ru bix ꜫaꜫ xkaul xe huyu; ꜭoh xilon, ꜭoh maqui xilon chique, ok xel ꜭa pe chupam huyu. Kitzih ti xibin chic ru vach, ok xel pe pa huyu ꜫaꜫxanul, xecha ꜭa ronohel ahlabal vuk amaꜫ: Kitzih tixibin ru puz ru naval, ru ꜫaꜫal ru tepeval, xcam xkana, quecha.
32. Ꜭateꜭaok xꜭhocobax chuvi ꜭhacat, ok xkaul, kitzih xquininah, xe cha ꜭa conohel: At kachaꜫ, mix akaçah ru ꜫaꜫal huyu, mi xaya ka ꜫaꜫ; yx cay chi al, hun nabey al, hun xambey al chivichin, yx ka vi, yxka holom, xecha conohel ahlabal vuk amaꜫ, chirichin ri ꜫaꜫavitz. Ok xcha ꜭa chiquichin: Xpeul ru ꜭux huyu nu teleche nu cana, yx nuchaꜫ, nunimal. Ok xquir ꜭa ri ru ꜭux huyu, xaꜭoloꜭic ꜫaꜫ chi abah, hari abah çakchoꜫ rubi, maqui raxa abah, oxlahuh ꜭa ꜭoh ꜭo ru ꜭin ri abah, haꜭa rixꜯul ru ꜭux huyu ꜫaꜫxanul; xa ꜭa cha ri couh ru xahic rixꜯul, ꜭi ya ꜭhob, tuban maqui ahilam reꜯanibal.
33. Xepe chiꜭa chiri xeiꜭo chipe Çeçic Ynup rubi, xaceel chuvi choy; ri ynup maqui na tiquil, mani ruxe ri ynup, xatibilan chuvi ya. Quereꜭa ru binaam vi Çeçic Ynup ri xey ꜭo chipe chuvi huyu, ꜭalalapacay ru bi; xax ꜭal he ru xak pacay xquiꜭhacatih. Quereꜭa xubinaah vi ꜭalalapacay ri, quecha ka mama.
