Ꜭambal richin Ykomaꜫ vae.
34. Ok xet chiꜭa chinaht ri Cakixahay ꜭubulahay ru bi, rikam Ykomaꜫi, cani xꜭamar rokotaxic cuma, runah ꜭa xilitah Chiꜫalibal rubi huyu; xuya vi ri hoye vi quivach, ok xilitah, xaxu ꜫaba chic rij. Quereꜭa xubinaah vi huyu, Chiꜫalibal ri. Xcha ꜭa ok xu ya ri: Xa yn achaꜫ animal, xa mixiꜭhacatah, xaquin ikan a tem, a ꜭhacat, yn huvi chi vinak ꜭo vikan. Xcha ri Ykomaꜫi, he ꜭa rikan ri Cakixahay, ꜭubulahay; quereꜭa ruꜭamic Ykomaꜫ ri, xere ꜭa xcolotah. Chic ri xeboço chic Çoꜯil vinak, qui tata qui mama ri Ahpoçoꜯil Qulavi çochoh, ꜭula vi ꜭanti quibi; xaqui vinakil xeel chic mani chic quikan.
35. Ok xeapon chiꜭa chuvi huyu ꜭakbaꜯulu, ok xilitah chiꜭa ri Tolꜭom rubi. Kitzih tixibin ꜭo vi, tinicnot huyu ꜭo vi ri ꜭakbaꜯulu. Nabey ꜭa xe ꜭiz apon ronohel ahlabal, tanti qui xibih quij, maqui tan quetiquer chu camiçaxic. Tok xeapon, xecha ꜭa ri ahlabal conohel: Mian xatul at kachaꜫ, bila tux ree, kitzih ti xibin ꜭo vi, quecha. Xecha ꜭa vi he ka mama ꜫaꜫavitz; chinak na pe tux, yx ahlabal? xtiꜭa ꜯet an ru vach. Maquian ka labal, maqui ꜭha, pocob, tikoqueçah, yx ꜭoh yx ka nimal, xecha, xetak conohel chu chapic Tolꜭom. Ok xe cha ꜭa: Nak naꜭa tucheex, at kachaꜫ, mixkatih kitzih tixibin ꜭo vi, at cabe chiil, xecha conohel. Tok xpe ꜭa ruꜯeta ri Tolꜭom, xapon kitzih ti xibin ꜭo vi tinicnot huyu ꜭo vi. Xcha ꜭa chire Tolꜭom: Chinak catux? maat nuchaꜫ nu nimal. Chinak catux? vacami xcat nucamiçah. Cani ꜭa xa xibih rij, xcha ꜭa: Yn ral ꜭhabak nicnic, xa vi vochoch vae yn
