127. Chupam ꜭa voo huna, vae ok ixtiquer yauabil, yxnuꜭahol, nabey xyabix ohb, ratzam xyavabix chiꜭa quiꜭ, ꜫana chuluh, kitzih tixibin chi camic xiꜭo oher. Haok xcam ahauh Vakaki Ahmak, xe ꜭa hala chic ma tipe nima ꜫekum, nima aꜫa pa qui vi ka tata ka mama pa ka vi ꜭa, yxnuꜭahol, ok xyabix ꜭhac.
Chi hun Ah xel humay voo yuhuh, ok xyabix ꜭhac.
128. Vae chupam huna xyauabix vi ꜭhac, ha ok xeꜭiz chi camic ka tata ka mama Diego Juan; chi voo Ah ꜭaxoc chi vi labal Panatacat, cuma ka mama, haꜭa ok xtiquer yavabil ꜭhac. Kitzih tixibin chi camic xpe pa ru vi vinak, mani yabim viri quere ri xꜭhol vinak.
129. Xcavinak ok xtiquer yauabil, tok xecam ka tata ka mama, chi cablahuh Camey xcam ahauh Hunyꜫ yxiquin mama.
130. Xaꜭa ru cabih xcam chic ka tata rahpop Achi Balam ri y mama, yxnuꜭahol; xa ꜭa hunam xecam y mama ruꜭin ru tata ki tan ti chuvin, ti ꜭayin vinak chi camic. Tok xecam ka tata ka mama, xax be tzak chi el ꜭhakap vinak chi civan, xa ꜯij, xa ꜭuch, xtiochic vinak; tixibin chi camic xecamiçan ymama, herach camic ru ꜭahol ahauh ruꜭin ru chaꜫ ru nimal: quereꜭa xoh canah vi can chi mebail ri yxnuꜭahol, ꜭaoh ok ꜭhutik ꜭahola, ok xoh canah can konohel. Rupoyibal alaxic.
